Freiburger historische Bestände - digital

Österreich Zu lehen sein, durch meiner Vleyssigen getrewen Pete wegen genedickh-
lich verlihen hat nach laut seiner gnaden brief, mir darüber gegeben, Also das Ich
vnd die obgenanten meine Brüder vnd Vnne Erben Manns Namen die Nu furbazzer
mit Iren Zugehörungen von seinen gnaden vnd seinen Erben in lehenweyse Ynnha-
ben, Nutzen vnd niessen sullen Vnd mugen, als lehenss vnd lanndsrecht ist, vnd wir
sullen vnd wellen auch seinen gnaden alletzeit dauon getrew gehorsam dinstlich vnd
gewerttig sein, als lehennsleut Jren lehenherren schuldig vnd gepunden sind, alss Ich
dan solchs Zetfin seinen genaden gelobt vnd gesworen Hab, doch seinen gnaden vn
männicklichs Rechten Hierlnn vnnvergriffenlich vnd an schaden anguerde,

Vnd sind das die Stuckh vnd Gütter: Item von Erst den dinckhhof Zu wyttnaw mit
aller seiner Zugehorung, daz ist Bolswiler das Sloss, vnd die dörffer Bolswyler, Seiden
, Biezikghofen, wytnaw vnd Aw mit Gericht vnd leutten, Zwynng, Pannen vnd
mit namen den Kyrchensatz wytnaw.

Item die Zynns Zu Hyrtzmatten vnd die gütter Jm weylerspach, alsdann Vnnser
Vorfaran die ynngehabt vnd Herbracht Haben.

Item die wildpann Zu Bolswyler vnd in anderen vnnsern Gerichten mit Perckh-
werch» vischentzen, von Hawenstain pis herüber an der von Stauffen wildpann, vnd
der wasserseyhen Hinauff vntz auff die diesselmut vnd bey Hanns Pruckhers Hauss
vberab pis gen oberried Zu der üblbrugken, vnd Zu der andern seytten an den Schönberg
Hynumb an Vffhewser Pann, vnd darüber vntz an den Brunberg mit namen die
Wyldpenn an dem Pranberg mit dem Berckhwerch vnd aller Zugehörde» Zu baiden
seytten Hinein vntz Zü der Vblpruckgen, vnd was auch wyldpenn Zwischen den ge-
schaiden gelegen sind, gehörend in das Lehen. - Mit Vrkund ditz briefs, den Jch seinen
gnaden darumb endgegen gib, versigelt mit des Edlen vnd Strenngen Ritters,
herrn pettern von Mörsperg aigen furgedruckhten Jnsigl, der das durch meiner
Vleyssigen pete willen zuendt der geschrifft gedruckht Hat, doch Jm vnd seinen
Erben an schaden, des sind Zeugen der Edl Her Martin freyher Zu Stauffen vnd der
vest, fürsichtig vnd weys Sigmund von Hofen vnd Thoni Prun, Schultheis zu Ensis-
haim, Geben Zu Jnnsprugk an Samstag vor dem Sunntag vocem iocundatis Nach kri~
sti gepurde Vierzehenhundert vnd dem Zwayvndsibentzigisten Jare. (Siegel)

18) 1472 Sept. 24 (GLA 44/ 9099). Wir, Ruprecht von gottes gnadenn Bischoff zü
Straßpurg, phaltzgrauenn By Rin ec. vnnd lantgraue Zü elses Erkennenn vnnd tün
kunt offenbar mit disem brieffe, das Wir, von vnnser vnd vnnser stifft Straspurg we-
genn vnnsern liebenn getruwenn Hannsen Snewelin bernlapp von Bolßwyler von
sin, auch Jorgen, Friderichen und Gabriel, alle Snewlin bernlapp von Bolßwyler,
siner brueder vnd Jrer Lehenserben wegenn sollichs Harnoch geschribenn, so dann
Jr Vatter vnd voraltern seligen von vnnsern vorfaren vnd Stifft Straspurg zü lehenn
gehabt hant:

Zum Ersten den Burgstadel Zü Birgkenberg Jm brisgowe gelegenn mit siner Zü
gehorde , nemlich das weldel gnant Waltemberg.
Item desglichen diß hie noch geschribenn acker vnd matten:
Zum ersten dritthalp Juchart acker am eychacker
Item ein Juchart Jn der binnen Zü Inickhofen
Item drye Juchart am Rübeacker

12 »5