Freiburger historische Bestände - digital

Das Haigerlocher Stadtbuch von 1551

205

Ettlich stattutta vnd Ordnungen der statt Haygerloch von alter

gebracht vnd gehalten.

Item wann fuir in dem seinen vnd by im vif gaut vnd
ander lüt vor im ee vnd erst beriefft vnd schryt, deß glychen
sein huß gesinde, der ist der stat verfallen zehen pfund heier.

[5 b] Item welcher nachtz vnrecht weg in die stat oder
vß der stat gaut, der ist den heren verfallen zehen liber heier
vnd der stat ain liber hei er.

Item brott, win vnnd flaisch daß sol aygentlich vnd vly-
senklich beschichtiget (sie) werden vnd also vertriben sein; wa
aber daß nit beschach, so soll söllichs gestrauft werden, wie
hernach volgt.

Item welcher win schenckt onerloupt, der ist verfallen der
stat ain liber heier; vnd welchem win erloupt wirt vnd den nit
schenckt oder zü schlüge onerloupt, der ist der [stat] verfallen
ain liber heier.

Item welcher beck zü klain bacht, der ist der statt die
ainung verfallen.

Item welcher metzger zü banck haut oder schlecht onerloupt,
ouch welcher vnder der metze haut, daß heruß gehört für die
metze, der ist der stat die ainung verfallen 1 liber heier.

[6 a] Item die burger haben kain hoher pott ze thond noch
ze pietten dan by ainem pfund.

Item welcher vber essen marcken zint ert oder einnempt,
der ist der stat verfallen ain liber heier.

Item wan die burger in der stat verbiettend werck ze
machen oder burger wasser haben, wer daß vbergaüt, der ist
der stat die ainung verfallen.

Item die heren, so Haygerloch in habend, die söllent die
herschaft mit dhainem frembden vich nit vberschlahen.

Item die burger habend ainen bittel oder statknecht ze
setzen vnnd entsetzen, doch daß er vor an schwör den heren
vnd der statt trwü vnd warhait, iren fromen zü werben vnd
iren schaden zü wenden vnd ainen ratt zü verschwygen sein
leben lang vnd waß für in kompt, zü richtten, darumb er vrteil
geben müß, ze richtten niemantz ze lieb noch laid vnd [6 b]
sunst durch kainer ander Sachen willen dan dem rechtten aller
glychest nach seiner erkantnuß; vnd wa er von dem ampt
kerne vnd nit mer da wäre, waß dan er mit ainem yegklichen