Freiburger historische Bestände - digital

208

Batzer

heren, oberkait vnd der stat schaden oder übelß zu ston solt,
der soll daß warnen vnd anzaigen der statt von stunden an,
ob er mag, mit sein selbß lyb, mag er aber daß uor kranckhait,
forcht oder findschaft halb nit thon, der soll daß thon mit ainem
gewissen botten; deß bedarff er kain schaden hon.

[9 a] Item man ist schuldig ain burger ze hollen ain myl
wegß; do sol er den fürlütten vnd rossen geben fütter vnnd
maül vnd sunst kain Ion, vnd wan er herkompt, so darf er den
rossen nit fütter geben, vnd wer eß im nott vnd begertt eß,
so sol man in mit dem baner hollen vff sein costen, deß glychen
wan er daß burgkrecht vfgyt, ist im nott vnd begert deß, so
sol man in och ain myl wegß belaitten vff sein costen.

Item vnd wan die fünf jaür vß sind, so mag ain inn- oder
vßburger daß burgkrecht vffgeben dem schulthaissen oder knecht,
so sol man daß von im vffnemen.

Item ob aber ainer des gerichtß oder ratz daß burgkrecht
vffgab, von dem ist man nit schuldig daß vff ze nemen, er well
dan heweg ziehen.

Item wer ouch sach, daß ainer geschickt vnd toügenlich
wer ze nieman ingericht oder rät, vnd nit burger wer, der sol
burger werden vnd gehorsam sein.

[9 b] Item wa her ainer oder aine käm vnd ain burgerin
oder ainß burgerß dochter nam, deß soll daß burgkrecht vffnen
mit ainer maß win: der ist dan ain burger.

Item wa ain burger ain andern burger in nötten sach,
vnnd der daß recht an rüftte, so soll er im hillf senden vnd
thon; so ver er mag; deß glychen ist man im och schuldig.

Von houptfelen.

Item wan ain man von tod abgät oder gangen ist, von
dem sol man nieman ze houptrechtt daß beste houptvich; hat
er aber kain vich, so sol man von im nieman waut vnd wauffen.

Item ob sach wer, daß vsserhalb heren oder edellüt aigen
lüt in der herschaft Haygerloch hetten vnd die von tod abgangen
waren, die sollend nit wytter noch hocher gefallet
werden, dan wie ob gemeldet ist vnd von allter her-
komen ist.

[10 a] Item vnnd welche fraw von tod abgangen ist, von
der sol man nieman zü houptrecht die claider, alß dan sy an
dem möntag in die kirchen gangen ist vngeuarlich.