Freiburger historische Bestände - digital

Das Haigerlocher Stadtbuch von 1551 211

genomen daß huß soll er kain stuir von geben, vnnd vß ieder
stuir soll im werden drysigk fünf Schilling, vnnd waß die stat
ze schriben hat vff bappyr ze setzen, soll er schuldig sein on
Ion ze machen, waß aber er vff birment setzet, soll im gelonet
werden nach der billichait vnnd die stat soll im geben zway
buch bappyr für sendbrieff vnd stuirrodel; waß aber er sunst
brucht, soll im bappir geben werden12.

Item man soll im geben von ainem schlechtten vrteilbrieff
v ß heier, waß aber er schwär vrteil brieff, schuldbrieff oder
gult vnd zinßbrielf machttin, dauon soll im gelonet werden nach
der billichait, ob aber clag sein [13 a] wölt, so soll eß an ainem
gericht vnd rät ston.

Item von ainem sendbrieff ain ß heier vnd von ainem zu
lessen vor gericht oder rät dauon soll man im geben ain maß win.

Item waß er vsserhalb der stat schribt, sol vnd mag er
die selben haltten nach dem vnd er ir geniessen well.

Item von in Satzungen ze schriben in der burger buch ist
ain ß sein Ion, vnnd heruß ze schriben och ain ß heier.

Item waß er brief mit der stat sigel besigelt, die er nit
gemacht hette, dauon hert im fünf schillin ze Ion.

Item vnd soll weder den heren noch den ampt lütten nit
verbunden sein ze schriben man lone dan im wie billich sy.

Von dem Ion der schul halb.

[13b] Item von der schul soll im ze Ion werden von ainem
knaben zu der fronvasten 5 ß heier vnd 3 d) exileß vnnd sind
zü wintter zyt, so man einhaisset, ieder deß tagß ain schyt
geben vnnd tragen oder ain glitten kar foll holtz oder dry
schiling darfur.

Item waß armer schüler sind vnd so nach brott gend, sol
er halben Ion von nieman vnd gebent kain holtz.

Item ain iegklicher knab gyt vff purificationis ain liecht
nach seinen eeren vnd martinalia, ob er will, vnd ouch oster-
ayer ieder nach seinen eren.

Wie eß mit den wächtter gehaltten soll werden vnd wer die
hab ze setzen vnd entsetzen.

[14 a] Item der schulthaiß vnd burger hand der stat
wächtter zü besetzen vnnd entsetzen, söllent globen vnd schweren

12 Am Rand von späterer Hand: für papier zue rödelen 5 ß.

14*