Freiburger historische Bestände - digital

Das Haigerlocher Stadtbuch von 1551

219

hin in den markstain, so do'stat am Worn Tempelß acker,
vnd da dannen in den marckstain, der do statt an dem Hochs-
pacher weg by dem wägenbom, der da schait Haigerloch, Wyl-
dorf vnd Grürn, vnd von dem selben stain für sich ab hin in
den stain, der da staut vnden in deß Tiefelß acker, vnd da
danen in die marcken, die da vnden staud an Hanß Schwykerß
acker by deß Knuslinß rain vff dem hosten, vnd vß der selben
marcken für sich ab hin in den stain, der da stat zwischen der
Gloseren wiß vnd dem bircken wassen, hie zwischen gegen der
statt [22a] inher hand wir ze vndergen vnd sunst nieman.

Item vß der obgeschriben marcken by dem wägenbomm
hand die von Haygerloch trat vnd züfart gegen den von Grürn
in die marck zu der Häckellernen crutz vnd vß dem crutz biß
zu dem bömlin, daß da stat am Hochspacher weg, dar vnder
stat ain marck vnd da danen biß dem talacker hinab biß zu
ainem bome stat ouch ain marck vnd da danen hin für gen
Herfurt oberhin in dem rain stat ouch ain marck vnd da danen
in ain bom an dem Herfurter weg stat och ain marck stain
alleß nach vßwysung ainß birmenteß brief.

Item in daß Zimerer tal vnnd Mistel wiß hand die von Haygerloch
zu farend, ee daß verbauen wurt, vnd so man vor dem
emd dar inn komen mag, vnd wan die ban offen sind, hand sy
och ze faren in daß Huser tal.

[22 b] Item die von Grürn hand mit irem vich gerechttikait
by dem birkin wasen in der Stuntzen zü träncken vnd nit da
zü faren, sunder da wider danen zü faren.

Item die uon Haigerloch hand trat vnd züfart mit irem
vich vff die von Hochspach an alle end vnd ort, wa sy mit
irem vich hin farend, vßgenomen in iren üchttet vnd vf ire
wasen sind wir nit faren.

Item waß man holtz zü brügken, stegen, walken23 vnd
allen andern der stat büwen bedarf, da sol man die von Kilch-
perg vmb bitten; die sollend alß denn vnß geben, doch so sol
man dem knecht ain zimlich stam lesin geben24.

Item die von Haygerloch hand alle die gerechttikait vnnd
gwonhait mit irem vich trat vnd züfart haben vff die von
Rangendingen.

Jeder hölzerne Vorbau eines Hauses.

Nach einem Übereinkommen von 1451. (Haigerlocher Registratur.)