http://dl.ub.uni-freiburg.de/diglit/zgb1908/0319
Samuel Israels Glückwünschung zur Vermählung Walter Rettichs
Sagen mit Asaph gantz getrost /
Psalm 73. Ob mich der Herr schon von sich stoßt /
Dennoch will ich nicht von ihm kehren /
Nimpt mich hernacher an mit ehren.
Wann ich nur Herr dich haben mag /
Nach Himmel vnd Erden ich nichts frag:
Wann ich gleichsam verschmacht vor schmertzen /
So gibstu doch trost meinem Hertzen.
Psalm 118. Der Herr mich zwar gar ernstlich rieht /
Aber dem Todt gibt er mich nicht.
Sagt mein Herr Walther / b'kennets frey /
Ob euchs nicht so ergangen sey?
Ob jhr nicht auch bißher empfunden /
Ein lange zeit deß Herren Wunden?
Die er zu ewerer Glaubens prob /
Euch zugeschickt vnd seinem Lob.
Ja Gott hat sich gleichsam versteckt /
Sein Angsicht vor euch zugedeckt:
Euch lassen gehn ohn Glauben bloß /
In jrrthumb vnd verstockung groß.
Also daß das gantz Himmlisch Heer
Hat vber euch getrawret sehr.
Zu g'schweigen ander Creutz vnd Plag /
Deß jhr genug g'habt alle Tag.
Sagt doch ob jhrs erkennet nun
Was es sey für ein kläglich thun?
Von Jugendt auff erkennen nicht
Deß heiigen Euangelij Liecht?
Weichs (Gott sey lob) ist offenbar
In Gottes wort gantz hell vnd klar:
Vnd vnsers Glaubens ohne list
Einig Regel vnd Richtschnur ist.
Es leydet nicht der Menscheng'satz
Vnd gibt auch weder statt noch platz /
Der selbs erwohlten Geistligkeit /
Ist als vmbsonst / vnd muß beyseit.
Ja die gantz heilig Göttlich schrifft
Welch alle Gsatz weit vbertrifft /
Zeigt vns den Herren Jesum Christ /
Der vnser heyl vnd zweck ja ist /
Dem müssen wir leben vnd sterben
Wolln wir änderst den Himmel erben:
Vnd wer hierinn nit recht wird g'lehrt /
Deß Leib vnd Seel wird gwiß zerstört /
Vnd dieses ist ein geistlich Creutz
Erweckt noch heut zu tag viel streits.
Nachmalen als jhr b'kommen habt
Sterck / vnnd euch Gott mit Mannheit b'gabt /
Habt jhr euch aller bester massen
http://dl.ub.uni-freiburg.de/diglit/zgb1908/0319