Freiburger historische Bestände - digital

Haselier

Ist wolermelter Graff Carlin zu Zollern efc[etera] nit allein zu warhaffter Erkundigung
, ob es ein Mordt oder ain auß Zornn bewegter Thodschlag, sunder ob er auch Mithelfer
zu sollicher threffennlichenn e) Unhandlung gehapt, höchlich verursacht wordenn,
nach jme ze trachtenn. Wie dann wolgedachter Her Wilhelm, Erbtruchses etcfetera], wol-
gemeltem Herren Graven Carlin zu Zollern efcfetera] jme Thetter uß anngezeigtenn
hochbewegennden Ursachenn güethlich uff ein Revers verfolgenn lassenn hat. Unnd wie
woll er, Herr Graff Carlin zu Zollern efcfetera] oder ann seiner Gfnaden] stat dero
Oberamptleut unnd Rath sich enntlich zu jme Thetter versehenn gehapt, er wurde nit
allein seine Mithelffer, da er ainichenn, wie das gemein Geschrei gehapt, unnder solcher
seiner Fenckhnus unnd ann jme beschehenn Erforschunng annzeigt, sunder auch das be-
gangenn offenntlich Mordt, auch Enntraubung deß Judenn unnd Enntwerung deß
Bechers zu Throst unnd Hail seiner armen Seelen güethlich bekhennt haben.

Aber dessenn alles unnanngesehenn, wie wol das guldin unnd silberin Geschmeid, so
der Jud bey jme am Finger unnd jnn seiner Theschenn gehapt, zum Thail, deßgleichenn
auch der Becher, den er denn Closterfrawenn zu Binßdorff enntwert unnd sie die
Frawenn begern wider zu lesenn, hinder jme Thetter befunnden unnd noch albereit ver-
hannden, so ist er doch dermassen unnderricht unnd gespeist oder getrennckht worden,
wie man sagt, das er unnbedacht seiner armenn Seel solliche Ding dermassenn nit will
bekennenn, die offenntlich am Tag unnd uberflissig uff jne zu beweisenn sind. Unnd ob
gleichwoll die Hanndlung nit annderst dann wie er selbst bekannt, den Juden zu Thod
geschlagenn unnd vergraben, erganngenn were, so hette er doch zu solchem einiche Ursach
nit gehept unnd thrüege das Vergrabenn, deß er nit abred, das Mord uff dem Ruckhenn.

e) sie Vorlage; zu lesen wohl freffennlichen.
62