Freiburger historische Bestände - digital

Eine katholisch-jüdische Ehe in Hechingen im 16. Jahrhundert

obangezaigter heyrats Nottel alle Monat Funffzehen guldin zugeben schuldig vnnd verbunden
sein solle. Das erlaufft sich in ermellter Zeit, der Dreyzehen monat Lanng, Ainhundert
Funffvnnd Neuntzig guldin. Thutt allso dise Summa, sampt Irem zugebrachten Heyratgutt,
morgengab vnnd ausgeschafften gellts: Summarie Taussent Vierhundert vnd Zwaintzig guldin,
so Er Ir an barem gellt onwidersprechenlich zubezalen schuldig sein wurde. Dieweil aber
gedachter Carle schweickhart sich höchlich beschwerdt, Ime nit wol muglich, sein gewesne
Hausfrawenn mit barem gellt zubezalen vnnd hindan zurichten, Derowegen so seind sy
verglichen vnnd verainbart worden dermassen, das Er sein Behawsung zu Hechingen gelegen
mit allen Rechten vnnd zugehörden, wie Er dieselbige vermög vnnd Innhallt dess darüber
auffgerichten vnnd besigelten Kauffbriefs (der Ir auch hieneben behenndiget werden solle)
bisher Inngehapt vnnd besessen, Ir hiemit aigenthumblich eingeanntwurt vnnd vbergeben
Hatt, Doch mit der außtrucklichen Condiction vnnd sonndem vorbehält, Souerr der Emhafft
Steffan Lindenfells, Burger zu Rottemburg am Neckher, allain den vorkauff sollicher Plossen
Behawsung haben vnnd annemen wollte, so soll mans Ime vermög des obangezaigten
Kauffbriefs, souil derselbig Punct betrifft vnnd zugibt, verföligen vnnd zusteen Lassen vor seiner
Hausfrawen vnnd on Ir verhinnderung. Doch souerr es gedachter Lindenfels oberzöllter gestallt
annemen wollte oder wurde, daß Er auch dagegen sie, Carle schweickharts gewesne Hausfrawen
, Darumb zuenntrichten vnnd zubezalen schuldig vnnd verbunden sein solle. Wa es aber
Ime Lindenfells nit annemlich, Alsdann so soll es ermellter Henlin Judin aigenthumblich zusteen
vnnd Ir haissen vnnd sein sampt dem obangezaigten Kauffbrief den sie In der Behausung finden
würdet, vnnd zu Iren hannden nemmen vnnd furtter damit hanndien, thun vnnd Lassen soll
vnnd mag, alls mit Anndem Iren aignen Haab vnnd guettem, one menigelichs Irrung vnnd
widerred in Allweg. Vnnd zu sampt obgeschribner Behausung noch darzu allenn haußrath vnnd
alles Kom oder getraid auff dem Kasten vnnd in Summa alles, was im Hauß befunnden würdet,
klains vnnd groß, nichtzit ausgenomen noch hindan gesetzt, Dann allain vorbehalten ain
Truchen, die sein, Carles, gewesner Magt mit Namen Betha zugehörig, vnnd noch mer die
Judischen Buecher, wöllche hieuor Raphahel Juden, sein Carle schweickharts tochterman, an
seiner schuld verschafft worden vnnd zugehörig seind. Deßgleichen seiner mutter ain wolgerisste
Pettstatt, wie sy die allzeit Inngehapt, auch ausgeschlossenn. Vnnd neben dem, so soll Ir Henlin
Judin die Petth, so wie Ime zugebracht vnnd sonnderlich zugehörig, die Carle schweickhart im
sterbennd von Hechingen hinauß gen Jungingen in Tumb hansen Hauß mit sich genomen vnnd
noch daselbst sein, sampt ainer truhen vnnd alles was darynnen, wie die verschlossen ist, auch
einhenndig gemacht vnnd zugestellt werden. Item darzu mer alles verlihen Korn, so noch
ausstenndig ist, darumb hanns Klogger vnnd schmid Bartlin einbringer vnnd bezaler desselben
sein vnnd sein sollen. Noch weitter nachuollgennde schulden in der Herrschafft Zollern vnnd
heygerloch, wöllche nit zu den gemainschafft gehöm. Alls Benantlichen bey Lutz wolffen,
burger zu Hechingen, Zwenvnnddreissig guldin Hauptguts vnnd zwenvnnd dreissig behmisch
zinß Laut vnnd Innhallt ains sonndem auffgerichten vnnd besigellten Zinßbriefs, der in ainem
truchlin, so in der Cantzlej zu Hechingen, zu befinnden sein wirt. Mer Sechs guldin bey Jörgen
winter zu Weyle. Mer Zwen guldin bey Caspar von Kiler. Mer Acht guldin vmb ain Ku bey
Steffan Hackh, schmid zu Stetten. Mer Drey guldin bey waltpurga, Stachius schmids mutter.
Mer Zwelff guldin bey Simon Martin zu Heygerloch. Summa diser schulden thutt Dreyvnnd-
sechßig guldin. Was dann Ir, Karle schweickharts gewesner Hausfrawen, zu Irem rechten voraus
sonnst zugehörig ist, alls Nämlich ain wol ausgerisste Pettstatt, ettliche Leylacher, vil klaider,
schlayr vnnd Annders zu Irem Leib gehörig, so sy Ime zugepracht vnnd empfengelich sein soll.
Ausserhalben vnnd neben disem voraus, So soll die ermellte Henlin Judin, sein gewesne
hausfrawen, das vorgeschriben Hauß vnnd aller Annderer Haußrath, Korn vnnd schulden in
aller massen, wie Hieuor vnnderschidlich begriffen steet, umb Achthundert guldin für bar gellt
An vorgemelter her schuld anzunemen schuldig vnnd verbunnden sein. Vnnd vber das so soll Sy
verrer an Irer schuld von Ime annemen für Vierhunndert guldin silber vnnd Golld, das silber die
marckh vmb zehen guldin, vnnd das gold das Lott vmb Funff guldin vnnd ain Orth, Mit dem

45