Freiburger historische Bestände - digital

Gesetzgebung in der waldburgischen Grafschaft Friedberg-Scheer

[13] Item welcher auch also zu acker gät, der soll roß und ochssen brauchen bis uff mittag oder
zwelff ur ongevarlich.

[14] Item welcher zehen iuchart ackers aigens und darüber zu bawen hette, mag nach mittemtag
mit den rossen auch einsetzen.

[15] Item wölcher aber nun zwen ochssen und ain roß hatt, der mag seins gevallens einsetzen
und zu acker gön, wann er will.

[16]c Item wann ainer oder mer umb Ion zu acker gön will in Blochinger zwing und benn, soll er
die ochssen ansetzen.

[17] Item welcher ein wonner zu Blochingen ochssen will khauffen, des soll er fruelings thun
und aber über zwen ochssen nit khauffen, es were dan das zuvor merer notturftig, soll er des mit
ains gerichts vergönnen thun.

[18] Item wann ainer ain halb lehen hatt, mag vier roß haben, und welcher also vier roß hatt, der
soll khain stier in die auchtwaid zu treyben haben.

[19] Item welcher aber under den selben nun druw roß wurd haben, der mag woll ain stier in die
auchtwaid gön lassen und auch das ander iar ain zwayiarling.

[20] Item es mögen zwen, so halbe gutter bawen, samptlich aller mas und nit weniger wun und
waid nutzen und brauchen wie ainer, so ain gantz lehen gutt bawet, anders dann das die thennen,
so halbe gutter bawen, samptlichen zwayer roß mer haben und brauchen mögen.
[21] Item ain tagdienster mag zwu khuen und vier schaff haben und was ainer von denselben
erheucht, mag er bis zu herpstzeitten auch lauffen lassen.

[22] Item so ainer ain stier ziehen wölt, mag er thun, und denselben bis er drw iar alt wurd in die
auchtwaid lauffen lassen.

[23] So aber derselben tagdienster ainer oder mer kain stier, mag er druy khuen haben.
[24] Item welcher tagdienster auch khain schaff wolt haben, mag für die vier schaff auch ain
khue halten.

[25]d Item es mag auch ain ieder tagdienster drw kelber halten und ziehen.

[26] Und dieweyll Claus Zymmerman ettwas mer dann ain tagdiensster zu bawen hatt, ist ime

vergonndt, das er mog ein roß haben und so dasselbig ain ville haben wurt, mag er dasselbig

erziehen bis es zway iar alt wurt, alsdann soll er dasselbig ville oder roß verkhauffen.

[27] Item welcher ain hagen oder ain pfarr khaufen will, der soll under drwr iar nit alt sein, und

denselben soll er dann brauchen und nicht weniger dann ain ochssen muessig gön lassen. Es

were dann, das ain solcher vom gmeinen dorff erkhaufft wurdt.

Ine sollichem allem onangesehen itzt gehenter ornung mag ain ider einsass zu Blochingen
sovill haupt vichs er will haben und halten von sannt Gallen tag2 bis uf sannt Jeorgen3 tag,
alsdann soll mit sollicher Ordnung angefangen und iedes iars gehalten werden bey straff idesmals
ain pfundt pfenings onnachlessig zubetzalen. Actum ut supra.

c neue Seite, auf dieser am oberen Rand fett ausgeschrieben: Ordnüng des veldbawens; desgleichen auf den
folgenden neubegonnenen Seiten d neue Seite, auf dieser am oberen Rand fett ausgeschrieben:
Ordnüng der tagdinster e neue Seite, auf dieser am oberen Rand fett ausgeschrieben: Ordnüng

2 16. Oktober 3 23. April

51